الرئيسية / أخبار عاجلة / الإعلامية أمل صبحي تكتب.. “لا تأخذوا الناس علي محمل الأبدية”

الإعلامية أمل صبحي تكتب.. “لا تأخذوا الناس علي محمل الأبدية”

بقلم- أمل صبحي

بعد ما تقطع شوط كبير في معركة النُضج ، في مرحلة ما.. كدا هتعرف أن الحياة مش على طول أبيض ولا على طول أسود لأ، دا فيه ألوان كتيرة للحياة، واللون الرمادى يناسب ناس كتير حتي لو لم يناسبك شخصيا، وهتعرف إن الصُحاب مش بالعشرة والسنين، الصحاب بالمواقف هتعرف أن عادي في يوم تصحى تلاقي أقرب الناس ليك بقوا أبعدهم وإن الحياة مش مُنصفه على الإطلاق.

إنك ساعات هتعمل اللي عليك وزيادة وبردة مش هتاخد اللي عايزة، وإن كل حاجه، بتحصل بسبب ولسبب، وإن قلبك مينفعش يحكم، بس هنعمل اية فية دة رسولنا الكريم اشار الية وقال اللهم لا تحاسبني علي ما لا املك، وإن الحاجه الى بتشوفها بعينك ممكن متبقاش بنفس نقاء نظرتك ليها ، ويكون ليها زوايا كتيره مرعبه وهتتصدم لم تعرف حقيقتها وهتزعل من نفسك اووي، وأن اللي بتحبه النهارده إحتمال كبير تكرهُه بكره.

بس معايا صعب تكرة ممكن اغضب لكن الكره دة مدرسة لازم تتربي فيها، وأول حد هاتكرهه هو الي علمك تكره، وإن الأولويات كل يوم عن التاني بتتغير، وإن الحياة عمرها ما بتقف ولا هتقف على حد دقيقة، بس مع ناس معينة الحياة من غيرهم بتكون باهتة وضلمة وكئيبة والحياة بيهم ومعاهم لو علي الرصيف حلوة ومبهجة زيهم وإن خسارتك لأي حاجه بتتعبك نجاة، هتعرف إنك مبقتش انت ومينفعش ترجع انت.

عن كامل محمود

شاهد أيضاً

أبطال الأولمبي راحة 24 ساعة من التدريبات..وتذكرتي تحذر الجماهير بالنهائي

كتب-مصطفى عبد الناصر قرر شوقي غريب، المدير الفني للمنتخب الأولمبي، منح لاعبيه راحة من التدريبات …

اترك تعليقاً

لن يتم نشر عنوان بريدك الإلكتروني.