الرئيسية / أخبار عاجلة / الإعلامية أمل صبحي تكتب: أيام في الأجازة

الإعلامية أمل صبحي تكتب: أيام في الأجازة

بقلم- أمل صبحي

فعلا احنا اتغيرنا جميعا للأسواء ومش فاضيين غير للمنظرة ووجع القلب، لما تمنع المحجبات من دخول شواطي الساحل الشمالي، لما قالولي دة لم اصدق ولكني رأيت هذة الحالة أمامي ولم أسكت وقررت ترك هذا الشاطي والرحيل معهم رغم اني غير محجبة.

والساحل بقي مغلق كانك في محطة الرمل..علشان حفلة فلان ولا ترتان ط، وتدخل جوه القري تجد انك لا تعيش في مصر الذى نعرفها وتدخل علي شواطي هذة القري تجد التمثيل والزيف والمديونين الى اخدين عرق سنين ناس علشان توظيف الاموال وهربانين من تنفيذ الاحكام.
تجد من يتحدث عن أن سعر المزراطي نزلت مش عارفة كام وان البرندادت شكلها الجديد اية وهبل السنين في الميكب اب علي البحر ومعظم الناس بيجروا وراء هذا الزيف بدون ان نضع لاودنا الاحباء ان مش دى الدنيا ولا دة المصيف وان العمل قيمة بعيدًا عن أن لة عائد كبير او صغير، وأنه مينفعش يعيشوا غير مستواهم ولا يتعلقوا بالناس الفراغ قاتلهم وإن حريتي تنتهي عند حريتك ط، واني ماليش دعوة انت بتلبس اية ولا ديانتك اية المهم انت سلوكياتك اية.
صدقوني لو قلت لم ارى صدق وبسمة وفرحة حقيقية كما كنت اراها واستمتع بها في بيانكي او في البوسيت انها ايام لا تنسي استمتاع حقيقي مش مزيف مش عارفة هو انا الي عجزت وأصبحت امقت هذة الاحاديث وان الاجازة بالنسبة لي هدوء راحة بال مع الأحباب، بدون هذا الصخب ولا هي الناس الجديدة ومصر الجديدة عايزين منظرة، مخادعة وعايزين يتعلقوا بطبقة مش بتاعتنا علشان يجروا يحطوا صوارهم انهم هنا وهنا، سفن وجرى وطبلة وكارولس والصرف الهستيري، حفلة التذكرة بتاعتها ٤٥ الف وممكن تقسطها علي ٣٦ شهر ويقولك تنشيط سياحة ومطعم يتم الحجز لة بالواسطة وكلام فارغ مسطح، وادخل بقي علي اسعار الوحدات والجرى وراء الكارنيهات والضحك علي الناس ان التقسيط علي ٨ سنوات وأن اقل وحدة ٥ مليون عادى ما التقسيط علي ٨ سنوات لية وعلشان اية وعلشان الكارنية وشهرين في السنة انتم مين فعلا..في حاجة غلط مين دول ورايحين فين اعرف اغني منهم بكثير وحياتهم ابسط من ذلك بكثير فعلا الغني غني النفس.
انا عايزة ارجع لاجازت زمان، لا اعتقد انها لن تعود لان هناك جيل لم يراها ولم يستمتع بها ولم يذوق حلاوتها.

عن كامل محمود

شاهد أيضاً

الجماهير تتوافد على ستاد برج العرب فى نهائى السوبر السادس تاريخياً

كتب-مصطفى عبد الناصر توافدت الجماهير المصرية لكل الناديين الأهلى والزمالك، بكثرة على ملعب ستاد الجيش …

اترك تعليقاً

لن يتم نشر عنوان بريدك الإلكتروني.