الرئيسية / أخبار عاجلة / غضب فى الاسكندرية بسبب “التقديرات الجزافية” لفواتير الكهرباء..ومواطنون:مش بنشوف وش المحصل

غضب فى الاسكندرية بسبب “التقديرات الجزافية” لفواتير الكهرباء..ومواطنون:مش بنشوف وش المحصل

كتب- مريم حسن

يعاني الآلاف من المواطنين فى الاسكندرية ، من التقديرات الجزافية لفواتير الكهرباء والتى ترتفع بشكل مضاعف ومبالغ فيه، فضلاً عن عدم مطابقة قراءة العداد للإستهلاك الفعلى،بسبب القراءات العشوائية لعدادات الكهرباء والتقديرات الجزافية للفواتير.

البداية .. تقول أمل حسين، أحد سكان حى العجمى، غرب الإسكندرية، إنها تعانى من ارتفاع فواتير الكهرباء منذ أكثر من عام، مضيفة “محصل الكهرباء بييجى يقرأ العداد كل 3 شهور مرة، وفجاة بلاقى الفاتورة بـ300 جنيه، من غير ما المحصل يكشف ولا أعرف استهلكت كام كيلو فى الشهر”.

وأوضحت إنها تقدمت بالعديد من الشكاوى لشركة الكهرباء بالإسكندرية لكن دون جدوى، فلم ينظر أحد فى شكواها المتكررة بارتفاع قيمة الفواتير، لافتة إلى عدم مطابقة قراءة العداد للإستهلاك الفعلى، قائلة “قدمت شكاوى كتير بس محدش من شركة الكهرباء حل مشكلتي، المحصل بيقعد على القهوة يشرب سجاير وشاى ومش بيقرا العداد، وفى الاخر يقولى يا أما أدفع الفلوس يا أما هيقطع عنى النور”.

وقال حسن عبدالجواد، موظف بميناء الإسكندرية، إن فواتير الكهرباء خلال الشهور الماضية كانت تتراوح ما بين 100 و150 جنيه إلا أنها بعد الزيادة بلغت أكثر من 250 جنيها، متابعا “أنا مشوفتش وش محصل الكهرباء من 5 شهور، وفاتورة الكهرباء طبعا بتجيلى عشوائى، ولما بقول المحصل أن محدش قرأ العداد، بيقولى هات الفلوس الأول وبعدين نبقى نيجى نكشف”.

وقال محمد جمال، محامى، أنا كنت مسافر وبيتى مقفول بقاله 8 شهور، ولما رجعت لقيت فاتورة الكهرباء اكتر من 700 جنيه، اللى بيحصل فينا ده حرام ومحدش يستحمله”، متابعا “الفاتورة بتيجى اكتر من استهلاكى بكتير، بس بضطر أدفع طبعا عشان لو مدفعتش هيقطعوا عنى النور”.

عن مريم حسن

شاهد أيضاً

العاصمة الثانية ترصد أسعار الذهب اليوم (تعرف عليها)

تشهد أسعار الذهب حالة من الصعود التدريجي، حيث ومان الذهب قد شهد حالة من عدم …

اترك تعليقاً

لن يتم نشر عنوان بريدك الإلكتروني.